കോഴിക്കോട് പയ്യോളി മൂരാട് റെയില്‍വേ ഗേറ്റിന് സമീപം ട്രെയിനില്‍ നിന്ന് വീണ് യുവതി മരിച്ചു. മലപ്പുറം ചേലമ്പ്ര സ്വദേശി ജിന്‍സി ആണ് മരിച്ചത്. 26 വയസായിരുന്നു. കണ്ണൂര്‍ ആലപ്പുഴ എക്സിക്യൂട്ടീവ് എക്സ്പ്രസില്‍ നിന്ന് കാല്‍തെറ്റി താഴെ വീഴുകയായിരുന്നു. മലപ്പുറം ചേലമ്പ്ര മാമ്പഴക്കാട്ട് പുറായി സുബ്രഹ്മണ്യന്റെയും ഗിരിജയുടെയും മകളാണ്. ഇന്നു രാവിലെ ആറു മണിയോടെയാണ് അപകടമുണ്ടായത്. മൃതദേഹം വടകര സര്‍ക്കാര്‍ ആശുപത്രിയിലേയ്ക്ക് മാറ്റി
അച്ഛന്റെയും അമ്മയുടെയും കൂടെ കണ്ണൂരിലെ സുഹൃത്തിനെ സന്ദർശിച്ചു തിരികെ വീട്ടിലേക്കു വരുമ്പോഴായിരുന്നു അപകടമുണ്ടായത്. ലിൻസി സഹോദരിയാണ്.