പോക്സോ കേസ് പ്രതി ട്രെയിനില്‍ നിന്ന് ചാടിപ്പോയി; അന്വേഷണം

കോഴിക്കോട് ഇതരസംസ്ഥാനക്കാരിയായ 13കാരിയെ തട്ടിക്കൊണ്ടുപോയ കേസിൽ പിടിയിലായ പ്രതി  രക്ഷപെട്ടു. അസം സ്വദേശി നസീദുൽ ഷെയ്ഖാണ്‌ പിടിയിലായതിനു ശേഷം രക്ഷപെട്ടത്. അസമിലേക്ക് രക്ഷപെട്ട പ്രതിയെ നല്ലളം പൊലീസ് പിടി കൂടി തിരികെ എത്തിക്കവേയാണ്  രക്ഷപെട്ടത്. ട്രെയിനിന്റെ വേഗത കുറഞ്ഞ സമയം ബിഹാർ അതിർത്തിയിൽ വെച്ച് പ്രതി ചാടി രക്ഷപെടുകയായിരുന്നു. നാലു മാസം മുൻപാണ് നല്ലളം പൊലീസ് പരിധിയിൽ പോക്സോ കേസിനു ആസ്പദമായ സംഭവം നടന്നത്.