കൊല്ലം പത്തനാപുരം ചിതൽവെട്ടിയിൽ നാട്ടുകാരെ ഭീതിയിലാക്കിയ പുലി വനംവകുപ്പ് സ്ഥാപിച്ച കൂട്ടിൽ കുടുങ്ങി. പുലർച്ചെ മൂന്നരയോടെയാണ് പുലി കൂടിനുള്ളിൽ അകപ്പെട്ടത്. സംസ്ഥാന ഫാമിങ് കോർപറേഷന്റെ കശുമാവിൻ തോട്ടത്തിന് സമീപം കുഞ്ഞുങ്ങൾ ഉൾപ്പെടെ അഞ്ചു പുലികൾ ഉള്ളതായി രണ്ടുമാസം മുൻപാണ് നാട്ടുകാർ വനം ഉദ്യോഗസ്ഥരെ വിവരം അറിയിച്ചത്.
തോട്ടത്തിലെ ലയത്തിൽ താമസിക്കുന്ന അതിഥി തൊഴിലാളികളാണ് പുലികളെ കണ്ടത്. പുലി സാന്നിധ്യം വനം ഉദ്യോഗസ്ഥർ നടത്തിയ പരിശോധനയിലും സ്ഥിരീകരിച്ചതോടെ ക്യാമറയും പുലിക്കൂടും സ്ഥാപിക്കുകയായിരുന്നു. ഭീതിയിലാണ് പ്രദേശവാസികള്‍ കഴിഞ്ഞിരുന്നത്.