കോട്ടയത്തു യുവാവ് ഫ്ലാറ്റിൽ നിന്ന് ചാടി മരിച്ചു; ജോലി സമ്മര്‍ദ്ദമെന്നു സൂചന

കോട്ടയം കഞ്ഞിക്കുഴിയില്‍ യുവാവ് ഫ്ലാറ്റിൽ നിന്ന് ചാടി മരിച്ചു. പത്തനംതിട്ട റാന്നി സ്വദേശിയായ ജേക്കബ് തോമസ് (23) ആണ് മരിച്ചത്. ഇന്ന് രാവിലെയാണ് ഫ്ലാറ്റിന് മുകളിൽ നിന്ന് ചാടിയത് . ഫ്ലാറ്റിൽ വാടകയ്ക്ക് താമസിക്കുകയായിരുന്നു . ഐടി സ്ഥാപനത്തിലെ ജോലി സമ്മർദ്ദം താങ്ങാൻ കഴിയാതെ ജീവനൊടുക്കിയെന്നാണ് നിഗമനം. കാക്കാനാട് പ്രവർത്തിക്കുന്ന ഐടി കമ്പനിയിലെ കംപ്യൂട്ടർ എഞ്ചിനീയറായിരുന്നു. ജോലി സമ്മർദ്ദം താങ്ങാൻ ആകുന്നില്ലെന്ന് മരിക്കുന്നതിന് മുൻപ് ജേക്കബ് അമ്മക്ക് വീഡിയോ സന്ദേശം അയച്ചിരുന്നു.