വിഷുവിന് ഈ കുരുന്നുകള്‍ക്കൊരു കരുതല്‍; ഇത്തവണത്തെ വിഷുക്കൈനീട്ടം എസ്എംഎ രോഗം ബാധിച്ച കുഞ്ഞുങ്ങള്‍ക്കായാലോ

വിഷുവാണ് ...എല്ലാവരും കൈനീട്ടം കൊടുക്കുന്ന ദിവസം. കൊടുക്കുന്നവര്‍ക്ക് ഐശ്വര്യം ഉണ്ടാകുമെന്നും കിട്ടുന്നവര്‍ക്ക് അത് വര്‍ധിക്കുമെന്നുമാണ് വിശ്വാസം. പ്രായമായവര്‍ പ്രായത്തില്‍ കുറവുളളവര്‍ക്കാണ് സാധാരണ കൈനീട്ടം നല്കുന്നത്. 

​

ഇത്തവണ ആരോഗ്യവകുപ്പും കുഞ്ഞുങ്ങള്‍ക്കായി കൈനീട്ടം നല്കുന്നതിനെപ്പറ്റിയാണ് പറയുന്നത് . അതും എസ്എംഎ പോലെ അപൂര്‍വ രോഗം ബാധിച്ച കുഞ്ഞുങ്ങള്‍ക്ക്. ഈ കുട്ടികളുടെ   ചികില്‍സയ്ക്കായി ലക്ഷക്കണക്കിന് രൂപ വേണം. അവര്‍ക്കായി ഈ വിഷുക്കാലത്ത് കൈനീട്ടം നല്കണമെന്നാണാവശ്യം. 

​

സര്‍ക്കാരിന്‍റെ കെയര്‍ പദ്ധതിയിലൂടെ അനേകം കുഞ്ഞുങ്ങള്‍ക്ക് ആശ്വാസം നല്കുന്നുണ്ട്. നിലവില്‍ 12 വയസുവരെ ലഭിക്കുന്ന ചികില്‍സാ സഹായം 18 വയസ് വരെയാക്കാനാണ് പദ്ധതിയിടുന്നത്. സര്‍ക്കാര്‍ ഫണ്ട് ഉപയോഗിച്ച് മാത്രം കാര്യങ്ങള്‍ സാധിക്കില്ലെന്നും സന്മനസുളളവരും സഹായിക്കണമെന്നുമാണ് ആരോഗ്യവകുപ്പ് അഭ്യര്‍ഥിക്കുന്നത്. 

​

കുഞ്ഞുങ്ങള്‍ക്കായി കൈനീട്ടം നല്കാനുളള ബാങ്ക് അക്കൗണ്ട് വിവരങ്ങള്‍ ചുവടെ 

അക്കൗണ്ട് നമ്പര്‍ – 39229924684

IFSC Code - SBIN0070028