പ്രിയങ്ക ഗാന്ധിക്കായി സ്വാഗതഗീതം; തയ്യാറാക്കിയത് എം ലീലാവതി

വയനാട്ടിലെ യു.ഡി.എഫ്. സ്ഥാനാര്‍ഥി പ്രിയങ്ക ഗാന്ധിയ്ക്കായി സ്വാഗതഗീതമൊരുക്കി എഴുത്തുകാരി എം.ലീലാവതി. ഭാരതത്തിന്‍ വീരപുത്രി, കേരളത്തിന്‍ ദത്തുപുത്രി എന്നു തുടങ്ങുന്നതാണ് ഗാനം. താന്‍ എഴുതിയതുപോലെ പ്രിയങ്ക തിരഞ്ഞെടുപ്പില്‍ വിജയിക്കട്ടെന്ന് ലീലാവതി  ആശംസിച്ചു.

പ്രിയങ്കയ്ക്കായി ലീലാവതി ടീച്ചറുടെ വരികള്‍. വെറും അഞ്ചുമിനിറ്റിനുള്ളില്‍ എഴുതിയതാണ് ഈ സ്വാഗതഗീതം. കേരളപുരം ശ്രീകുമാര്‍ ചിട്ടപ്പെടുത്തിയ ഗാനം തൃക്കാക്കര എംഎല്‍എ ഉമാ തോമസ് ടീച്ചറുടെ വീട്ടിലെത്തി കേള്‍പ്പിച്ചു.