പാലക്കാട്ടെ കോണ്‍ഗ്രസില്‍ പൊട്ടിത്തെറി തുടരുന്നു. മഹിളാ കോണ്‍ഗ്രസ് ജില്ലാ സെക്രട്ടറി കൃഷ്ണകുമാരി പാര്‍ട്ടി വിട്ട് സിപിഎമ്മിലേക്ക്. ശ്രീകൃഷ്ണപുരം കോണ്‍ഗ്രസ് ബ്ലോക്ക് കമ്മിറ്റി പ്രസിഡന്‍റായിരുന്നു കൃഷ്ണകുമാരി. കോണ്‍ഗ്രസിന്‍റെ ബിജെപി ബന്ധത്തെ തുടര്‍ന്നാണ് താന്‍ പാര്‍ട്ടി വിടുന്നതെന്നും വ്യാപകമായി വ്യാജ വോട്ടര്‍മാരെ ചേര്‍ത്തുവെന്നും 40 വയസ് മുതല്‍ 60 വയസുവരെയുള്ളവരെയാണ് ചേര്‍ത്തതെന്നും കൃഷ്ണകുമാരി ആരോപിക്കുന്നു. വെള്ളിനേഴി പഞ്ചായത്തിൽ കഴിഞ്ഞ തിരഞ്ഞെടുപ്പിൽ ബിജെപിക്കും കോൺഗ്രസിനും ഒറ്റ സ്ഥാനാർഥിയായിരുന്നു. ഇങ്ങനെയാണ് പഞ്ചായത്തില്‍ ബിജെപി അക്കൗണ്ട് തുറന്നതെന്നും അവര്‍ ചൂണ്ടിക്കാട്ടി.