'കേരളത്തിനു മുഴുവന്‍ അപമാനകരം'; ചോറ്റാനിക്കരയില്‍ പെണ്‍കുട്ടിയുടെ മരണത്തില്‍ വി.മുരളീധരന്‍

ചോറ്റാനിക്കരയില്‍ കടുത്ത ശാരീരിക പീഡനത്തെ തുടര്‍ന്ന് പോക്​സോ അതിജീവിതയായിരുന്നു പെണ്‍കുട്ടി മരിച്ച സംഭവത്തില്‍ സര്‍ക്കാരിനെതിരെ വിമര്‍ശനവുമായി ബിജെപി നേതാവ് വി.മുരളീധരന്‍. കേരളത്തിൽ ക്രിമിനലുകൾക്ക് സമൂഹത്തിൽ സ്വൈര്യ വിഹാരം നടത്താനുള്ള സാഹചര്യമേറുന്നുവെന്നും ഇത്തരം സംഭവങ്ങൾ ആവർത്തിക്കുന്നത് ഇരുത്തി ചിന്തിക്കേണ്ട വിഷയമാണെന്നും അദ്ദേഹം പറ​ഞ്ഞു. ഇത്തരം സംഭവങ്ങൾ ആവർത്തിക്കാതിരിക്കാൻ കേരളത്തിലെ പൊതുസമൂഹവും രാഷ്‌ട്രീയ സമൂഹവും ഇടപെടേണ്ടതുണ്ട്. കേരളം സുരക്ഷിതമാണ് ഇത്തരം സംഭവങ്ങൾ കേരളത്തിന് പുറത്താണ് എന്നുള്ള ധാരണ തിരുത്തണമെന്നും അദ്ദേഹം കൂട്ടിച്ചേര്‍ത്തു.