‘ചേട്ടോ..ഈ അഭ്യാസം എംവിഡി കാണുന്നുണ്ട് കേട്ടോ’; വൈറല്‍ വിഡിയോ

സ്വന്തമായി ഒരു ബൈക്ക് ഉണ്ടെന്ന് വച്ച് ഇങ്ങനെ കാട്ടാമോ ചേട്ടാ? എന്നാണ് ബൈക്കില്‍ അഭ്യാസ പ്രകടനം നടത്തുന്ന ഒരാളോട് സൈബറിടം ചോദിക്കുന്ന ചോദ്യം. ഒറ്റകയ്യുമായി അപകടകരാം വിധം ബൈക്ക് ഓടിച്ചു കൊണ്ടു പോകുന്നയാളാണ് സൈബറിടത്ത് ഇപ്പോള്‍ വൈറലായിരിക്കുന്നത്. ആദ്യം ബൈക്കില്‍ കയറി നിന്നും പിന്നീ‍ട് ഒരു സൈഡില്‍ ഇരുന്നുമാണ് ഇയാളുടെ അഭ്യാസം. പിന്നില്‍ വന്ന വാഹനത്തില്‍ ഉണ്ടായിരുന്നവരാണ് ഇയാളുടെ വിഡിയോ പകര്‍ത്തിയത്. 

വാഹനത്തില്‍ എതിരെ വരുന്നവര്‍ ഇയാളുടെ അഭ്യാസത്തെ അതിശയത്തോടെ നോക്കുന്നതും വലിയ വളവില്‍ പോലും അപകടം വരുത്തിവയ്ക്കുന്ന തരത്തില്‍ വാഹനം ഓടിക്കുന്നതും വിഡിയോയിലുണ്ട്. ഫൈൻ കൊണ്ടു ഒരു കാര്യവും ഇല്ല എന്നു മനസിലായി, ലൈസൻസ് ക്യാൻസൽ ചെയ്തു വലിയ ഒരു തുക അടിച്ചു കൊടുക്കണമെന്നും വിഡിയോയിക്ക് കമന്‍റുകള്‍ വരുന്നു.