മന്ത്രിയുടെ പേജിലൂടെ കേരളം കേട്ട ആ പാട്ടുകാരന്‍ ഇതാ ഇവിടെയുണ്ട്

രാവിലെ ഇനി മനോഹരമായ കുറച്ച് പാട്ടുകൾ കേൾക്കാം.. പാടുന്നത് ഒരു കൊച്ചു ഗായകനാണ്.. വിദ്യാഭ്യാസ മന്ത്രി ഫേസ്ബുക്കിൽ ഷെയർ ചെയ്ത സമൂഹമാധ്യമങ്ങളിൽ  വൈറലായ പാട്ടും ആ പാട്ടുകാരനെയും കാണാം.. 

പാലാ ചേർപ്പുങ്കൽ സ്വദേശിയായ സാം സോണി എന്ന കൊച്ചു മിടുക്കനാണ് വിദ്യാഭ്യാസ മന്ത്രിയുടെ ഫേസ്ബുക്ക് പേജിൽ വരെ ഷെയർ ചെയ്യപ്പെട്ട ആ മനോഹര ശബ്ദത്തിന്റെ ഉടമ..  സ്കൂളിലെ കൃഷിപാഠം പദ്ധതി പരിപാടിക്കിടെ പാടിയ പാട്ട് മലയാളികൾ നെഞ്ചേറ്റുമെന്ന് സാം ഒട്ടും കരുതിയിരുന്നില്ല 

കലോത്സവ വേദികളിൽ താരമാണ് ഈ കൊച്ചു മിടുക്കൻ.. ഏതെങ്കിലും ഒരു റിയാലിറ്റി ഷോയിൽ പാടാൻ അവസരം കിട്ടുക എന്നതാണ് ഇപ്പോഴത്തെ സ്വപ്നം.. മാതാപിതാക്കളും അധ്യാപകരും നൽകുന്ന ആത്മവിശ്വാസത്തിൽ  സ്വപ്നങ്ങളിലേക്ക് നടന്നടുക്കുകയാണ് സാം