കേരള ബ്ലാസ്റ്റേഴ്സ് സ്ട്രൈക്കറായിരുന്ന കെര്‍വന്‍സ് ബെല്‍ഫോര്‍ട്ട് ഐ.എസ്.എല്‍ നാലാം സീസണില്‍ ജംഷഡ്പൂര്‍ എഫ്.സിക്ക് വേണ്ടി കളിക്കും. കഴിഞ്ഞ സീസണില്‍ ബ്ലാസ്റ്റേഴ്സിന് വേണ്ടി 15 മല്‍സരങ്ങളില്‍ കളിച്ച ബെല്‍ഫോര്‍‌ട്ടിന്റെ ഇടതുവിങ്ങിലൂടെയുള്ള മുന്നേറ്റം ഏറെ ശ്രദ്ധ നേടിയിരുന്നു. വലതുവിങ്ങറായി സമീഗ് ദ്യുതിയെ നേരത്തെ തന്നെ സ്വന്തമാക്കിയ ജംഷഡ്പൂര്‍, ബെല്‍ഫോര്‍ട്ടിനെക്കൂടി ടീമിലെത്തിച്ചതോടെ മുന്നേറ്റം കരുത്തുറ്റതാക്കി. ബ്ലാസ്റ്റേഴ്സിന്റെ വിശ്വസ്തനായിരുന്ന ഹെങ്ബര്‍ത്തുമായും ജംഷഡ്പൂര്‍ ഏകദേശ ധാരണയിലെത്തിയിട്ടുണ്ട്. ബ്ലാസ്റ്റേഴ്സിന്റെ മുന്‍പരിശീലകന്‍ സ്റ്റീവ് കോപ്പലും സഹപരിശീലകന്‍ ഇഷ്ഫാഖ് അഹമ്മദുമാണ് ജംഷ·ഡ്പൂര്‍ ടീമിനായി താരങ്ങളെ തിരഞ്ഞെടുക്കുന്നതിന് നേതൃത്വം നല്‍കുന്നത്.
×