ഫ്രഞ്ച് ഓപ്പണ്‍ ലോക സൂപ്പര്‍സീരിസില്‍ പുരുഷ സിംഗിള്‍സില്‍ ഇന്ത്യന്‍ താരങ്ങളുടെ സെമി പോരാട്ടം. സെമിയില്‍ ശ്രീകാന്ത് എച്ച്.എസ്.പ്രണോയിയെ നേരിടും. ദക്ഷിണ കൊറിയയുടെ ജിയോണ്‍ ഹയോക് ജിന്നിനെ തോല്‍പിച്ചാണ് പ്രണോയി സെമിയിലെത്തിയത്. സ്കോര്‍ 21-14, 21-16. നാലാം സീഡ് ചൈനയുടെ ഷി യുകിയെ തോല്‍പിച്ചാണ് ശ്രീകാന്ത് സെമിയിലെത്തിയത്. സ്കോര്‍ 8-21, 21-19, 21-9. ചൈനയുടെ ചെൻ യുഫെയെ നേരിട്ടുള്ള സെറ്റുകളിൽ വീഴ്ത്തി ഇന്ത്യയുടെ ഒളിംപിക് മെഡൽ ജേതാവ് പി.വി. സിന്ധുവും സെമിയിലെത്തി. 41 മിനിറ്റു നീണ്ട പോരാട്ടത്തിലാണ് ലോക 10-ാം നമ്പർ താരമായ ചെൻ യുഫെയെ സിന്ധു തോൽപ്പിച്ചത്. സ്കോർ: 21-14, 21-14.
×