കശ്മീരിന് സ്വയംഭരണം വേണമെന്ന മുതിർന്ന കോൺഗ്രസ് നേതാവ് പി.ചിദംബരത്തിന്റെ ആവശ്യത്തെ രൂക്ഷമായി വിമർശിച്ച് പ്രധാനമന്ത്രി നരേന്ദ്ര മോദി. ഇന്ത്യൻ സൈന്യത്തോടും അതിർത്തിയിൽ അവർ നടത്തിയ മിന്നലാക്രമണത്തോടും കോൺഗ്രസിനുള്ള മനോഭാവമാണ് പുറത്തുവന്നത്. ഇത്തരം അഭിപ്രായങ്ങളിലൂടെ രാഷ്ട്രീയ നേട്ടം കൊയ്യാനാണ് കോൺഗ്രസിന്റെ ശ്രമം.
പാക്കിസ്ഥാനികളുടെയും കശ്മീരിലെ വിഘടനവാദികളുടെ ഭാഷയിൽ സംസാരിക്കാന്‍ കോൺഗ്രസിന് മടിയില്ല. വിഷയത്തിൽ കോൺഗ്രസ് വിശദീകരണം നൽകണമെന്നും അദ്ദേഹം ആവശ്യപ്പെട്ടു. പ്രസ്താവന വിവാദമായതോടെ ചിദംബരത്തിന്റേത് പാര്‍ട്ടി അഭിപ്രായമല്ലെന്ന് കോണ്‍ഗ്രസ് വിശദീകരിച്ചു.
×