അഹമ്മദാബാദ് സിവിൽ ആശുപത്രിയിൽ ഇരുപത്തിനാല് മണിക്കൂറിനിടെ 9 നവജാത ശിശുക്കൾ മരിച്ചു. ശ്വാസംമുട്ടൽ അടക്കം ശ്വാസകോശ സംബന്ധമായ അസുഖങ്ങളുമായി ആശുപത്രിയിൽ പ്രവേശിപ്പിച്ച കുട്ടികളാണ് മരിച്ചത്. ഇതിൽ ആറുകുട്ടികളെ ഗുരുതരാവസ്ഥയിൽ സുരേന്ദ്രനഗർ, മൻസ, വീരംഗം എന്നിവിടങ്ങളിൽനിന്നും കൊണ്ടുവന്നതെന്നാണ് റിപ്പോർട്ട്. മരിച്ച മൂന്ന് കുട്ടികളെ അഹമ്മദാബാദ് സിവിൽ ആശുപത്രിയിൽ തന്നെയായിരുന്നു പ്രസവിച്ചത്. ഈസമയത്ത് ആശുപത്രിയിൽ നൂറിലധികം നവജാത ശിശുക്കളുണ്ടായിരുന്നെവെന്നും, ഡോക്ടർമാർക്ക് വീഴ്ച പറ്റിയിട്ടില്ലെന്നും മെഡിക്കൽ സൂപ്രണ്ട് എം.എം പ്രഭാകർ വിശദീകരിച്ചു. ആശുപത്രിയിൽ ഡോക്ടർമാരുടെ കുറവുണ്ടായിട്ടില്ല എന്നും സൂപ്രണ്ട് കൂട്ടിച്ചേർത്തു.
×