മക്കാവുവിനെ തകർത്തു ഇന്ത്യ ഏഷ്യ കപ്പിന് യോഗ്യത നേടി. ഒന്നിനെതിരെ നാലു ഗോളുകൾക്കായിരുന്നു ഇന്ത്യയുടെ വിജയം. യോഗ്യത മത്സരങ്ങളിൽ ഒരു ഗോൾ പോലും നേടാൻ കഴിയാതിരുന്ന മക്കാവുവിനെതിരെ ആത്മവിശ്വാസത്തോടെയാണ് ഇന്ത്യ തുടങ്ങിയത്. ഇന്ത്യൻ ആക്രമണത്തിലും പിടിച്ചു നിന്ന മക്കാവു പ്രതിരോധം ഇരുപത്തിയെട്ടാം മിനിറ്റിൽ റൗളിൻ ബോർഗിസിന്റെ ഷോട്ടിൽ പിളർന്നു.
എട്ടുമിനിറ്റിനു ശേഷം കളിയുടെ ഗതിക്കു വിപരീതമായി ഇന്ത്യൻ പ്രതിരോധത്തിന്റെ പിഴവ് മുതലെടുത്തു മക്കാവു ഒപ്പമെത്തി. രണ്ടാം പകുതിയിൽ ഛേത്രി യിലൂടെ ഇന്ത്യ വീണ്ടും മുന്നിൽ. പിന്നീട് സെൽഫ്‌ഗോളിലൂടെ മക്കാവു ഇന്ത്യയുടെ ലീഡ് ഉയർത്തി. അധികസമയത് ഛേത്രിയുടെ പാസിൽ നിന്ന് ജെജെയുടെ വക നാലാം പ്രഹരത്തിലൂടെ ഏഷ്യ കപ്പ് പ്രവേശനം ഇന്ത്യ ഗംഭീരമാക്കി.
×