വായുവിൽ കറങ്ങിത്തിരിഞ്ഞ് രോഹിതിന്റെ ക്യാച്ച്, കോരിത്തരിച്ച് ആരാധകർ, വിഡിയോ

തകർപ്പൻ ക്യാച്ചുകളും ഡൈവുകളും ഐപിഎൽ ടൂർണമെന്റിന്റെ മനോഹാരിത കൂട്ടുന്നു. അത്തരത്തിൽ നിരവധി ക്യാച്ചുകൾ ഇതിനോടകം കണ്ടു കഴിഞ്ഞു. ബാറ്റ് കൊണ്ട് വിസ്മയിപ്പിക്കുന്ന പ്രകടനം കാഴ്ച വക്കുന്ന മുംബൈ ഇന്ത്യൻസ് നായകൻ രോഹിത് ശർമ ഇത്തവണ നേടിയത് ഒരു ഹിറ്റ് ക്യാച്ച് തന്നെയായിരുന്നു. 

 

റോയൽ ചലഞ്ചേഴ്സ് ബാംഗ്ളൂരിനെതിരെയായിരുന്നു താരത്തിന്റെ പ്രകടനം. നാലാം ഓവറിൽ മിച്ചൽ മക്ളീഗൻ എറിഞ്ഞ പന്തിൽ ബാംഗ്ളൂർ താരം ക്വിന്റൻ ഡിക്കോക്ക് അതിവേഗത്തിലൊരു ഷോട്ടുതിർത്തു. പന്ത് നേരേ രോഹിതിന്റെ അടുക്കലേക്ക്. അത്ര എളുപ്പം കൈപ്പിടിയിലൊതുക്കാൻ സാധിക്കാത്ത പന്ത്. ക്യാച്ചെടുത്ത രോഹിത് വായുവിൽ ഒന്നു കറങ്ങിത്തിരിഞ്ഞു. സ്റ്റേഡിയം ഇളകിമറിഞ്ഞ നിമിഷമായിരുന്നു അത്. എന്നാൽ പന്ത് നിലം തൊട്ടെന്ന് ഡിക്കോക്കിനു ഒരു സംശയം. റിവ്യൂ നൽകി. ഒടുവിൽ തീരുമാനം  വന്നു, അതു ക്യാച്ച് തന്നെ. 

റോയൽ ചലഞ്ചേഴ്സിനു റസ്റ്റോറന്റിൽ നിന്നും കിട്ടിയ ‘കൊട്ട്’; ട്രോളിന്റെ ഒരു വ്യത്യസ്ത വേർഷൻ