ബോക്സിങ് റിങ്ങിലേക്കുള്ള തിരിച്ചുവരവില്‍ ഇതിഹാസതാരം മൈക്ക് ടൈസന് തോല്‍വി

ബോക്സിങ് റിങ്ങിലേക്കുള്ള തിരിച്ചുവരവില്‍ ഇതിഹാസതാരം മൈക്ക് ടൈസന് തോല്‍വി. ടെക്സസില്‍ ജേക്ക് പോളുമായുള്ള മല്‍സരത്തില്‍ മുന്‍ ഹെവിവെയ്റ്റ് ചാംപ്യന്‍ പരാജയപ്പെട്ടു. 79–73 എന്ന സ്കോറിലാണ് ജേക്കിന്‍റെ ജയം. എട്ട് റൗണ്ടുകളിലും യുവതാരത്തിനെതിരെ പൊരുതിനിന്നെങ്കിലും പ്രായത്തിന്‍റേതായ പരിമിതികള്‍ പ്രകടനത്തെ ബാധിച്ചു. 

മൂന്നാം റൗണ്ട് മുതല്‍ മല്‍സരത്തില്‍ ജേക്ക് ശക്തമായ ആധിപത്യം പുലര്‍ത്തി. എക്കാലത്തേയും മികച്ച ഇതിഹാസ താരമാണ് ടൈസനെന്ന് മല്‍സരശേഷം ഇരുപത്തേഴുകാരനായ ജേക്ക് പറഞ്ഞു. തന്‍റെ അവസാന മല്‍സരമല്ല ഇതെന്നായിരുന്നു അന്‍പത്തെട്ടുകാരനായ ടൈസന്‍റെ പ്രതികരണം.