വാക്കു കൊണ്ടു മുറിവേറ്റ നവീൻ ബാബു ഇനി ഉറ്റവരുടെ നെഞ്ചിലെ നീറുന്ന ഓർമ . കുടുംബവും സഹപ്രവർത്തകരും ഇടമുറിയാതെ ഒഴുകിയെത്തിയ നാട്ടുകാരും നെഞ്ചു പൊട്ടിക്കരഞ്ഞാണ് പ്രിയപ്പെട്ട നവീൻ ബാബുവിന് വിട നല്കിയത്. മലയാലപ്പുഴയിലെ വീട്ടുവളപ്പിൽ മക്കളായ നിരഞ്ജനയും നിരുപമയും ചേർന്നാണ് ചിതയ്ക്ക് തീ കൊളുത്തിയത്. ബന്ധുക്കൾക്ക് ഒപ്പം മൃതദേഹം ചിതയിലേയ്ക്കെടുത്ത് മന്ത്രി കെ രാജനും ഒപ്പം നിന്നു.