കേരള ക്രിക്കറ്റ് ലീഗിന് തയാറെടുക്കുന്ന കാലിക്കറ്റ് ഗ്ലോബ്സ്റ്റാർസ് ക്രിക്കറ്റ് ക്ലബ്ബിന്റെ ലോഗോ കോഴിക്കോട്ട് മന്ത്രി പി.എ മുഹമ്മദ് റിയാസ് പ്രകാശനം ചെയ്തു. ടീമിന് മികച്ച ടാഗ്ലൈൻ കണ്ടെത്താനുള്ള ക്യാംപയിനിനും തുടക്കമായി. മികച്ച ടാഗ്ലൈൻ നിർദേശിക്കുന്ന ആൾക്ക്
മത്സരത്തിന്റെ ടോസിംഗ് വേളയിൽ നായകനൊപ്പം പങ്കെടുക്കാനുള്ള അവസരമുണ്ടാകും. മലബാർ മേഖലയെ പ്രതിനിധീകരിച്ചാണ് കാലിക്കറ്റ് ഗ്ലോബ്സ്റ്റാർസ് കേരള ക്രിക്കറ്റ് ലീഗിൽ പങ്കെടുക്കുന്നത്. അടുത്തമാസം രണ്ടാം തിയ്യതി മുതൽ 18 വരെ തിരുവനന്തപുരം ഗ്രീൻഫീൽഡ് സ്റ്റേഡിയത്തിലാണ് മത്സരങ്ങൾ നടക്കുക.