രഞ്ജി ട്രോഫി ക്രിക്കറ്റില്‍ 6000 റണ്‍സും 400 വിക്കറ്റും നേടുന്ന ആദ്യ താരമെന്ന റെക്കോര്‍ഡ് കേരളത്തിന്റെ അതിഥിതാരം ജലജ് സക്സേനയ്ക്ക് സ്വന്തം. തുമ്പ സെ.സേവിയേഴ്സ് ഗ്രൗണ്ടില്‍ നടക്കുന്ന ഉത്തർ പ്രദേശിന്റെ നിതീഷ് റാണയെ പുറത്താക്കിയാണ് മുപ്പത്തേഴുകാരനായ ജലജ് 400 വിക്കറ്റ് എന്ന ചരിത്ര നേട്ടം കൈവരിച്ചത്. ഇന്‍ഡോറില്‍ ജനിച്ച ജലജ് മധ്യപ്രദേശിനു വേണ്ടിയാണ് രഞ്ജിട്രോഫിയില്‍ അരങ്ങേറിയത്. 2016 ല്‍ അതിഥിതാരമായി കേരളത്തിലെത്തി. ആകെ 120 മല്‍സരങ്ങളില്‍ നിന്ന് 13 സെഞ്ചറിയും 30 അര്‍ധസെഞ്ചറിയും ജലജ് നേടിയിട്ടുണ്ട്.രഞ്ജി ട്രോഫി ചരിത്രത്തിൽ 400 വിക്കറ്റ് തികയ്ക്കുന്ന പതിമൂന്നാമത്തെ താരമാണ് ജലജ്.