മഹീന്ദ്ര സൂപ്പര്‍ ലീഗ് കേരള; ഒന്നാം സ്ഥാനക്കാരായി കാലിക്കറ്റ് എഫ്സി സെമിയില്‍

മഹീന്ദ്ര സൂപ്പര്‍ ലീഗ് കേരളയില്‍ കാലിക്കറ്റ് എഫ്സി ഒന്നാം സ്ഥാനക്കാരായി സെമിഫൈനലില്‍. കണ്ണൂര്‍ വോറിയേഴ്സിനെ തോല്‍പ്പിച്ചാണ് കാലിക്കറ്റ് എഫ്സിയുടെ സെമി പ്രവേശം. ഒന്നിനെതിരെ മൂന്നുഗോളുകള്‍ക്കായിരുന്നു ആധികാരിക വിജയം. പത്തുകളികളില്‍ നിന്നായി പത്തൊമ്പത് പോയിന്‍റാണ് കാലിക്കറ്റ് എഫ്സിക്കുള്ളത്. കണ്ണൂര്‍ വാരിയേഴ്സും ഫോഴ്സ കൊച്ചിയുമാണ് സെമിയിലെത്തിയ മറ്റ് ടീമുകള്‍. സെമിഫൈനലിലെ നാലാമനെ തീരുമാനിക്കാനുള്ള മല്‍സരം ഇന്ന് വൈകിട്ട് മഞ്ചേരിയില്‍ നടക്കും. മലപ്പുറം എഫ്സി തിരുവനന്തപുരം കൊമ്പന്‍സിനെയാണ് നേരിടുന്നത്.