ബാംഗ്ളൂർ റോയൽ ചലഞ്ചേഴ്സിൽ ആരാധകർക്കു രാജകീയ പ്രതീക്ഷകൾ തന്നെയാണുള്ളത്. എന്നാൽ ഐപിഎൽ തുടങ്ങി വർഷം 11 കഴിഞ്ഞിട്ടും കിരീടത്തിൽ ഒന്നു തൊടാനുള്ള ഭാഗ്യമുണ്ടായിട്ടില്ല. വൻകിട താരങ്ങൾ സ്വന്തമായുള്ള ഈ ടീമിൽ നിന്നും ഒരു കപ്പാണ് ആരാധകർ പ്രതീക്ഷിക്കുന്നത്. ഈ സീസണിലാണെങ്കിൽ ടീമിന്റെ പ്രകടനം അത്ര പോരതാനും. അതു കൊണ്ടു തന്നെ ടീമിനെതിരെ ഇത്തവണ ട്രോൾ കുറച്ചു കൂടുതലാണ്.
ട്രോളിന്റെ ഒരു വ്യത്യസ്ത വേർഷനാണ് ബംഗളൂരിലെ ഒരു റസ്റ്റോറന്റിൽ നിന്നും ഉയർന്നത്‌. ടൂർണമെന്റിന്റെ തുടക്കത്തിൽ ‘ഈ സാല കപ്പ് നമടെ’ എന്നൊരു മുദ്രാവാക്യം ആരാധകർ ഉയർത്തിയിരുന്നു. പിന്തുണയുമായി മാൻഡ്യയിലെ വിവി റോഡിലെ ഒരു റസ്റ്റോറന്റിലെ ബില്ലിൽ ‘ഈ സാല കപ്പ് നമടെ ’ എന്ന് പ്രിന്റ് ചെയ്തിരുന്നു. ആർസിബിയ്ക്കുള്ള പിന്തുണ അറിയിക്കാനായിരുന്നു ഈ വാചകം. എന്നാൽ കളി പുരോഗമിക്കവെ ഹോട്ടൽ നടത്തിപ്പുകാരുടെ പ്രതീക്ഷ അസ്തമിച്ചു. ഇതോടെ വാചകം മാറി. ‘നെക്സ്റ്റ് സാല കപ്പ് നമടെ ’ എന്ന് തിരുത്തി അച്ചടിച്ചു. ഇതിൽ കൂടുതൽ ഒരു ഒളിയമ്പ് വേറെ വേണോ. ഈ റസ്റ്റോറന്റിൽ നിന്നും സ്ഥിരമായി ഭക്ഷണം കഴിക്കുന്ന ഒരാളാണ് രണ്ട് ബില്ലിന്റേയും ചിത്രം പോസ്റ്റ് ചെയ്തത്.
Read More: വായുവിൽ കറങ്ങിത്തിരിഞ്ഞ് രോഹിതിന്റെ ക്യാച്ച്, കോരിത്തരിച്ച് ആരാധകർ, വിഡിയോ