അത്‍ലറ്റിക്സില്‍ മലപ്പുറത്തിന്‍റെ മുന്നേറ്റം; തൊട്ടുപിന്നില്‍ പാലക്കാട്

സംസ്ഥാന സ്കൂൾ കായിക മേള അത്ലറ്റിക്സില്‍ മലപ്പുറത്തിന്‍റെ മുന്നേറ്റം. 38 പോയിന്‍റുമായി മലപ്പുറം ഒന്നാം സ്ഥാനത്തും മുൻ വർഷത്തെ ജേതാക്കളായ പാലക്കാട് 30 പോയിന്‍റുമായി തൊട്ടുപിന്നിലുമുണ്ട്. വേഗക്കാരെ നിശ്ചയിക്കാനുള്ള 100 മീറ്റർ ഉൾപ്പെടെ 14 ഫൈനലുകളാണ് ഇന്നിനി നടക്കുക. 

അഞ്ച് കിലോമീറ്റർ ജൂനിയർ ആൺകുട്ടികളുടെ നടത്തത്തിൽ കോഴിക്കോടിന്‍റെ സ്വർണ നേട്ടത്തോടെ രണ്ടാം ദിനം ട്രാക്കുണർന്നു. പിന്നാലെ ജൂനിയർ പെൺകുട്ടികളുടെ നടത്തത്തിൽ മലപ്പുറത്തിന് സ്വർണം.

ജൂനിയർ പെൺകുട്ടികളുടെ പോൾവാൾട്ടിലും സ്വർണം നേടി മലപ്പുറം ആധിപത്യമുറപ്പിച്ചു. ഉച്ചക്ക് ശേഷം സീനിയർ പെൺകുട്ടികളുടെ പോൾവാൾട്ട്, ജൂനിയർ പെൺകുട്ടികളുടെ ഹാമർ ത്രോ എന്നീ ഫൈനൽ നടക്കും. വൈകിട്ട് 4.45 തുടങ്ങുന്ന 100 മീറ്ററിന്റെ എല്ലാ വിഭാഗത്തിലെയും ഹീറ്റ്സ് പൂർത്തിയായി. രാത്രി ഏഴിന് 800 മീറ്റർ ഫൈനലുകൾ തുടങ്ങും.