ഇന്ത്യയ്ക്ക് അകത്തും പുറത്തുമായി ലക്ഷക്കണക്കിന് ആരാധകരാണ് ഇന്ത്യന്‍ ക്രിക്കറ്റ് താരം വിരാട് കോലിക്കുള്ളത്. അങ്ങിനെയുള്ളപ്പോള്‍ കോലിയെ പൊതുമധ്യത്തില്‍ കിട്ടിയാല്‍ ആരാധകര്‍ വിടുമോ? ഇത്തരത്തില്‍ വിരാട് കോലിക്കൊപ്പം സെല്‍ഫിയെടുക്കുന്ന ഒരു ആരാധികയുടെ വിഡിയോയാണ് വൈറലാകുന്നത്. താരത്തിന്‍റെ കയ്യില്‍ പിടിച്ച് പിടിച്ചു നിര്‍ത്തിയാണ് യുവതിയുടെ സെല്‍ഫി!
കഴിഞ്ഞ ദിവസം മുംബൈയിലെത്തിയ വിരാട് കോലിയെയാണ് യുവതി പിടിച്ചു നിര്‍ത്തി സെല്‍ഫി എടുപ്പിച്ചത്. ഭാര്യ അനുഷ്ക ശര്‍മയും കോലിക്കൊപ്പമുണ്ടായിരുന്നു. വി‍ഡിയോയില്‍ പെട്ടെന്നു തന്നെ ഹോട്ടലിലേക്ക് പോകാന്‍ ഒരുങ്ങുന്ന കോലിയെ ആരാധിക കൈ പിടിച്ച് നിര്‍ത്തുകയും തെല്‍ഫിയെടുക്കുകയാണ്.
രണ്ടു തവണ താരം ഹോട്ടലിലേക്ക് പോകാന്‍ ശ്രമിക്കുന്നതും യുവതി കയ്യില്‍ കയറി പിടിക്കുന്നതും ഒടുവില്‍ സെല്‍ഫിയെടുക്കുന്നതും ദൃശ്യങ്ങളിൽ കാണാം. പിന്നാലെ അകത്തേയ്‌ക്ക് പോകുന്ന കോലിയുടെ പിന്നാലെയോടി മറ്റൊരു സ്ത്രീയും സെല്‍ഫി എടുക്കാന്‍ പോകുന്നതും ദൃശ്യങ്ങളിലുണ്ട്. സെക്കന്‍ഡുകള്‍ മാത്രം ദൈര്‍ഘ്യമുള്ള വിഡിയോ പെട്ടെന്നു തന്നെ സോഷ്യല്‍ ലോകത്ത് വൈറലായി.
അതേസമയം, ഓസ്ട്രേലിയയ്ക്കെതിരായുള്ള വരാനിരിക്കുന്ന ബോര്‍ഡര്‍ ഗവാസ്കര്‍ ട്രോഫിക്കായി തയ്യാറെടുക്കുകയാണ് താരം. നവംബർ 22 ന് പെർത്തിലാണ് അഞ്ച് മത്സരങ്ങളുടെ ടെസ്റ്റ് പരമ്പര ആരംഭിക്കുന്നത്. ന്യൂസിലന്‍ഡിനെതിരായ പരമ്പരയ്ക്ക് ശേഷം തന്‍റെ ഫോം വീണ്ടെടുക്കാൻ ശ്രമിക്കുന്ന കോഹ്‌ലിക്ക് നിർണായകമാണ് മല്‍സരം.