ഇടുക്കി കട്ടപ്പനയിൽ കുടുംബ വഴക്ക് പരിഹരിക്കാനെത്തിയ സബ് ഇൻസ്പെക്ടർക്ക് നേരേ ഗൃഹനാഥന്റെ ആക്രമണം. കുടുംബവഴക്കിനിടെ തടസം പിടിക്കാനെത്തിയ കട്ടപ്പന പൊലീസ് സ്റ്റേഷനിലെ എസ്.ഐ ഡി.സുരേഷിനാണ് മർദനമേറ്റത്. വിഡിയോ റിപ്പോർട്ട് കാണാം.
കാഞ്ചിയാർ ലബ്ബക്കട കൽതൊട്ടിയിൽ വൈകീട്ട് ഏഴു മണിയോടെയാണ് ഭർത്താവ് മദ്യപിച്ചെത്തി വഴക്കുണ്ടാക്കുന്നതായി യുവതി പൊലീസിനെ വിളിച്ചറിയിച്ചത്. ഇതേ തുടർന്ന് സുരേഷും മറ്റ് രണ്ട് പൊലീസ് ഉദ്യോഗസ്ഥരും ഇവിടേയ്ക്ക് എത്തി. മദ്യപിച്ച് വഴക്കുണ്ടാക്കിയ കൽത്തൊട്ടി സ്വദേശി സന്തോഷിനെ പൊലീസ് വാഹനത്തിലേയ്ക്ക് കയറ്റാൻ ശ്രമിക്കുന്നതിനിടെ ഇയാൾ എസ്ഐയെ മർദിക്കുകയായിരുന്നു. എസ്ഐയെ ആക്രമിച്ച സന്തോഷിനെ പൊലീസ് കസ്റ്റഡിയിലെടുത്തു.
