കോഴിക്കോട് പയ്യടിമീത്തൽ ജിഎൽപി സ്കൂളിനു സമീപത്തെ സിപി ഫ്ലാറ്റിൽ വീട്ടമ്മയെ മരിച്ചനിലയിൽ കണ്ടെത്തി. തിരുവണ്ണൂർ സ്വദേശി കെ.പി.അസ്മാബിയാണ് മരിച്ചത്. മൃതദേഹത്തിൽ നിന്നു സ്വർണാഭരണം മോഷണം പോയതായി പന്തീരാങ്കാവ് പൊലീസ് സംശയിക്കുന്നു. മരണം കൊലപാതകമാണോ എന്നും സംശയമുണ്ട്.
പ്രതിയെന്നു സംശയിക്കുന്ന മകളുടെ ഭർത്താവിനെ പൊലീസ് പാലക്കാടു നിന്നു കസ്റ്റഡിയിലെടുത്തു. ഇയാളെ പുലർച്ചയോടെ പൊലീസ് സ്റ്റേഷനിൽ എത്തിക്കും. മകൾക്കും മരുമകനും ഒപ്പം കഴിഞ്ഞ 4 വർഷമായി പയ്യടിമീത്തൽ സ്വദേശി ഖാലിദിന്റെ ഫ്ലാറ്റിലാണ് ഇവർ താമസിക്കുന്നത്. ഇന്നലെ രാവിലെ ജോലിക്കുപോയ മകൾ രാത്രി തിരിച്ചെത്തിയപ്പോഴാണ് അസ്മാബിയെ മരിച്ച നിലയിൽ കണ്ടത്. മൃതദേഹം ഇന്നു ഇൻക്വസ്റ്റ് നടത്തി പോസ്റ്റ്മോർട്ടത്തിന് അയക്കും.