എന്‍ജിനീയറിംങ് കോളജ് കെട്ടിടത്തില്‍ കത്തിക്കരിഞ്ഞ നിലയില്‍ മൃതദേഹം

തിരുവനന്തപുരം നെടുമങ്ങാട് പി .എ അസീസ് എൻഞ്ചിനീയറിങ് കോളജിന്‍റെ നിര്‍മാണം നടക്കുന്ന ഹാളിനുള്ളിൽ പുരുഷ മൃതദേഹം കത്തിക്കരിഞ്ഞ നിലയിൽ കണ്ടെത്തി. കോളജ്  ഉടമ മുഹമ്മദ് അബ്ദുൾ അസീസ് താഹയുടെ മൃതദേഹമാണെന്നാണ് കരുതുന്നത്.  ശരീരം പൂര്‍ണമായും കത്തികരിഞ്ഞ നിലയിലാണ് . ടയറും, ചപ്പു ചവറും മൃതദേഹത്തിനൊപ്പം കത്തിയിട്ടുണ്ട്.  കാര്‍  കോളജിന് പുറത്ത് പാര്‍ക്ക് ചെയ്ത നിലയിലായിരുന്നു . മൊബെൽ ഫോൺ മൃതദേഹത്തിന് സമീപത്ത് നിന്ന് കണ്ടെത്തി. കടബാധ്യത കാരണമുള്ള ആത്മഹത്യയെന്നാണ് പ്രാഥമിക നിഗമനം. താഹ പണം നല്‍കാനുള്ളവര്‍ ഇന്നലെയും വന്ന് പ്രശ്നങ്ങളുണ്ടാക്കിയിരുന്നു.  കൊല്ലം ഇരവിപൂരം സ്വദേശിയായ താഹ  പേയാട് വാടകയ്ക്കാണ് താമസിക്കുന്നത്.