മുന്നണികളുടെ കണക്കുകൂട്ടല്‍ എന്ത്? ഉപതിരഞ്ഞെടുപ്പില്‍ വിജയം ആര്‍ക്കൊപ്പം?

നാളെയാണ് നാളെ, കേരളത്തെ ഇളക്കിമറിച്ച ഉപതിരഞ്ഞെടുപ്പുകളില്‍ ജനം ആര്‍ക്കൊപ്പം എന്ന് നാളെ രാവിലെ അറിയാം. വോട്ടെടുപ്പ് കഴിഞ്ഞപ്പോള്‍ മുതല്‍ തുടങ്ങിയ കൂട്ടലും കിഴിക്കലും അവസാനിപ്പിച്ച് നെഞ്ചിടിപ്പോടെ കാത്തിരിക്കുന്നു രാഷ്ട്രീയ പാര്‍ട്ടികള്‍. വിജയപ്രതീക്ഷ ആരും കൈവിടുന്നില്ല. നാളെ ഉച്ചയോടെ മൂന്ന് പേര്‍ വിജയപീഠത്തില്‍ കയറിനില്‍ക്കും. ആരെല്ലാമാവും ആ മൂന്ന് പേര്‍? വയനാട്ടിലും ചേലക്കരയിലും ഉപതിരഞ്ഞെടുപ്പ് ഉണ്ടായിരുന്നെങ്കിലും പാലക്കാട്ട് ആയിരുന്നു ശരിയായ ത്രില്ലര്‍. പ്രചാരണത്തിന്‍റെ ഒന്നാം ദിനം മുതല്‍ പോളിങ് അവസാന മണിക്കൂറിലെത്തിയ ദിവസം വരെ  ആവേശവും വിവാദവും നിറഞ്ഞ് നിന്ന് പോരാട്ടം. ആരടിക്കും ആ ത്രില്ലര്‍?