ജനപ്രിയ സീരിയലുകളുടെ സൃഷ്ടാവിന് വിട; യാത്രയായത് 'ജീവിത നൗകയുടെ' അമരക്കാരന്‍

സംസ്ഥാന നാടക അവാർഡ് ജേതാവും നാടകകൃത്തുമായ കട്ടപ്പന കുമ്പുക്കൽ കെ.സി.ജോർജ് അന്തരിച്ചു. രോഗബാധയെ തുടർന്ന് ചികിത്സയിലിരിക്കെയായിരുന്നു മരണം. സംസ്ഥാന സർക്കാരിന്‍റെ ഈ വർഷത്തെ പ്രൊഫഷണൽ നാടകമത്സരത്തിൽ മികച്ച നാടകകൃത്തായി  കെ.സി.ജോർജ്  തിരഞ്ഞെടുക്കപ്പെട്ടിരുന്നു. കായംകുളം ദേവ കമ്മ്യൂണിക്കേഷൻസിന്റെ ''ചന്ദ്രികാ വസന്തം'' എന്ന നാടകത്തിനായിരുന്നു അവാർഡ്.

മഴവില്‍ മനോരമയില്‍ സംപ്രേഷണം ചെയ്ത സ്ത്രീപദം, ജീവിത നൗക, കല്ല്യാണി  എന്നിവ ജോര്‍ജ് എഴുതിയ സീരിയലുകളാണ്.  ഇപ്പോള്‍ സംപ്രേഷണം ചെയ്യുന്ന സ്വയംവരം എന്ന പരമ്പരയുടെ സംഭാഷണവും ജോര്‍ജിന്‍റേതാണ്.

സംസ്കാരം  ഇന്ന് വൈകിട്ട് വള്ളക്കടവ്  സെന്‍റ് ആന്‍റണീസ് പള്ളി സെമിത്തേരിയില്‍ . അടുത്തിടെ അന്തരിച്ച നാടക നടൻ എം.സി.കട്ടപ്പനയാണ് നാടകത്തിന്റെ ബാലപാഠങ്ങൾ പകർന്നു നൽകിയത്.