കിടിലൻ ലുക്കില്‍ അജിത്ത് ; 'ഗുഡ് ബാഡ് അഗ്ലി' വരുന്നു

അജിത് ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ആദിക് രവിചന്ദ്രൻ ഒരുക്കുന്ന 'ഗുഡ് ബാഡ് അഗ്ലി'. സിനിമയുടെ പുതിയ അപ്ഡേറ്റ് പങ്കുവെച്ചിരിക്കുകയാണ് അണിയറപ്രവർത്തകർ. അജിത്തിന്റെ കലക്കൻ പോസ്റ്റർ പങ്കുവെച്ച് നിർമാതാക്കളായ മൈത്രി മൂവീസ് ചിത്രത്തിന്റെ റീലീസ് പ്രഖ്യാപിച്ചിട്ടുണ്ട്. 'ഗുഡ് ബാഡ് അഗ്ലി' അടുത്ത വർഷം പൊങ്കൽ റിലീസായി എത്തും.

പോസ്റ്ററിലെ അജിത്തിന്റെ ലുക്കിന് ആരാധകരുടെ ഭാഗത്തു നിന്നും മികച്ച സ്വീകരണമാണ് ലഭിക്കുന്നത്. മാര്‍ക്ക് ആന്റണിയുടെ വിജയത്തിന് ശേഷം ആദിക് രവിചന്ദ്രന്റെ സംവിധാനത്തില്‍ എത്തുന്ന ചിത്രമാണിത്. ദേവിശ്രീ പ്രസാദ് സംഗീത സംവിധാനം നിര്‍വ്വഹിക്കുന്ന ചിത്രത്തിന്‍റെ ഛായാഗ്രഹണം അഭിനന്ദന്‍ രാമാനുജമാണ്. സുനിൽ, പ്രസന്ന, തൃഷ എന്നിവരാണ് ചിത്രത്തിലെ മറ്റു അഭിനേതാക്കൾ.