ഇനി ‘തല’യുടെ വിളയാട്ടം; ആക്ഷൻ പൂരമൊരുക്കാൻ അജിത്ത് ചിത്രം 'വിടാമുയർച്ചി'; ടീസര്‍

അജിത്ത് ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് 'വിടാമുയർച്ചി'. ചിത്രത്തിന്‍റെ ടീസർ അണിയറപ്രവർത്തകർ പുറത്തുവിട്ടു. ആക്ഷനും ഒപ്പം ഇമോഷനും പ്രാധാന്യമുള്ള ചിത്രമെന്ന സൂചനയാണ് ടീസർ നൽകുന്നത്. ജനുവരിയിൽ പൊങ്കൽ റിലീസായി 'വിടാമുയർച്ചി' തിയറ്ററിലെത്തും.

'മങ്കാത്ത' എന്ന ബ്ലോക്ക്ബസ്റ്റർ ചിത്രത്തിന് ശേഷം, അജിത്ത്-അർജുൻ-തൃഷ കൂട്ടുകെട്ട് ഒന്നിക്കുന്നു എന്നതാണ് ‘വിടാമുയർച്ചി’യുടെ ഹൈലൈറ്റ്. മഗിഴ് തിരുമേനി സംവിധാനം ചെയ്യുന്ന ചിത്രത്തിൽ ആരവ്, റെജീന കസാൻഡ്ര, നിഖിൽ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ‘ലൈക്ക’ പ്രൊഡക്ഷൻസാണ് നിര്‍മാണം.