Image Credit: Youtube
ധനുഷ് സംവിധാനം ചെയ്യുന്ന 'നിലവുക്ക് എന്‍ മേല്‍ എന്നടി കോപം' എന്ന ചിത്രത്തിലെ കാതല്‍ ഫെയില്‍ എന്ന ഗാനം പുറത്തിറങ്ങി. പാട്ടിന്‍റെ ലിറിക്കല്‍ വിഡിയോയാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്. കാതല്‍ ഫെയില്‍ എന്ന ഗാനത്തിന് സംഗീതം പകര്‍ന്നിരിക്കുന്നത് ജി വി പ്രകാശ് ആണ്. ഗാനം ആലപിച്ചിരിക്കുന്നത് ധനുഷ് ആണ്. പാ പാണ്ടിക്കും രായനും ശേഷം ധനുഷ് സംവിധാനം ചെയ്യുന്ന ചിത്രമാണ് നിലവുക്ക് എന്‍ മേല്‍ എന്നടി കോപം.
വലിയൊരു യുവതാരനിര തന്നെ ചിത്രത്തില്‍ അണിനിരക്കുന്നുണ്ട്. കമിങ് ഓഫ് ഏജ് റൊമാന്‍റിക് കോമഡി വിഭാഗത്തില്‍പ്പെടുന്ന ചിത്രത്തില്‍ അതിഥി വേഷത്തിലാണ് ധനുഷ് എത്തുക. പാ പാണ്ടിയിലും രായനിലും നായകവേഷത്തിലാണ് ധനുഷ് എത്തിയത് എന്നാല്‍ മൂന്നാമത്തെ ചിത്രമായ 'നിലവുക്ക് എന്‍ മേല്‍ എന്നടി കോപ'ത്തില്‍ പവിഷ്, അനിഖ സുരേന്ദ്രന്‍, പ്രിയ പ്രകാശ് വാര്യര്‍, മാത്യു തോമസ്, വെങ്കടേഷ് മേനോന്‍, റബിയ ഖതൂണ്‍, രമ്യ രംഗനാഥന്‍ തുടങ്ങിയവരാണ് പ്രധാനകഥാപാത്രങ്ങളായെത്തുന്നത്.
വണ്ടര്‍ബാര്‍ ഫിലിംസിന്‍റെ ബാനറില്‍ കസ്തൂരി രാജയും വിജയലക്ഷ്മി കസ്തൂരിരാജയും ചേര്‍ന്നാണ് ചിത്രം നിര്‍മ്മിക്കുന്നത്. അതേസമയം ധനുഷ് സംവിധാനം ചെയ്യുന്ന നാലാമത്തെ സിനിമയും ഇതിനകം പ്രഖ്യാപിച്ചു കഴിഞ്ഞു. ഇഡ്‍ലി കടൈ എന്നാണ് ചിത്രത്തിന് പേരിട്ടിരിക്കുന്നത്. നിത്യ മേനോനാണ് നായിക.