സാമൂഹ്യപ്രവർത്തക സന്ധ്യ രഘു കുമാർ രചിച്ച 16 കഥകൾ അടങ്ങിയ കഥാസമാഹാരം, ‘നീലക്കുറിഞ്ഞികൾ പൂക്കുമ്പോൾ’, ഷാർജ രാജ്യാന്തര പുസ്തകോത്സവത്തിൽ പ്രകാശിപ്പിച്ചു. ഷാർജ ഇന്ത്യൻ അസോസിയേഷൻ പ്രസിഡന്റ് നിസാർ തളങ്കര പുസ്തകം പ്രകാശനം ചെയ്തു. പി.കെ.അനിൽകുമാർ പുസ്തകം പരിചയപ്പെടുത്തി.
ഹോപ്പ് ഓഫ് ലൈഫ് പ്രസിഡന്റ് ഹാജറാബി വലിയകത്ത്, മാധ്യമപ്രവർത്തകരായ ദീപ കേലാട്ട്, അനൂപ് കീച്ചേരി, സാമൂഹ്യപ്രവർത്തകൻ നിഷാജ് തുടങ്ങിയവർ സംസാരിച്ചു. മാധ്യമപ്രവർത്തകൻ ബിനു മനോഹർ അധ്യക്ഷത വഹിച്ചു. ശബീർ സ്വാഗതവും സന്ധ്യാ രഘു കുമാർ നന്ദിയും പ്രകാശിപ്പിച്ചു.