മലയാളി യുവതിയെ ഫുജൈറയിലെ കെട്ടിടത്തിൽ നിന്ന് വീണ് മരിച്ചനിലയിൽ കണ്ടെത്തി. 37കാരിയിയ ഷാനിഫ ബാബുവാണ് മരിച്ചത്. ഇന്ന് രാവിലെയായിരുന്നു അപകടം. ഫുജൈറ സെന്‍റ് മേരീസ് സ്‌കൂളിന് സമീപത്തുള്ള താമസകെട്ടിടത്തിലെ 19 - മത്തെ നിലയിൽ നിന്ന് വീണ് മരിച്ച നിലയിലായിരുന്നു മൃതദേഹം. ഫുജൈറയിൽ നിർമാണ കമ്പനി നടത്തുന്ന തിരുവനന്തപുരം സ്വദേശി സനൂജ് ബഷീർ കോയയാണ് ഷാനിഫയുടെ ഭര്‍ത്താവ്. രണ്ടു പെൺകുട്ടികളുടെ അമ്മയാണ്. മൃതദേഹം ഫുജൈറ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംഭവത്തെക്കുറിച്ച് പൊലീസ് അന്വേഷിച്ചുവരുന്നു.