പൂരി തൊണ്ടയില്‍ കുടുങ്ങി; ശ്വാസംമുട്ടി കുട്ടി മരിച്ചു; ദാരുണം

സ്കൂളില്‍ ഉച്ചയ്ക്ക് കഴിക്കാന്‍ കൊടുത്തുവിട്ട പൂരി തൊണ്ടയില്‍ കുടുങ്ങി കുട്ടി മരിച്ചു. ശ്വാസംമുട്ടിയാണ് മരണം. ആറാം ക്ലാസുകാരനെ ഉടന്‍ തന്നെ അധ്യാപകര്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. സെക്കന്തരാബാദിലെ ഒരു സ്കൂളിലാണ് ദാരുണ സംഭവമുണ്ടായത്. കുട്ടി ശ്വാസം കിട്ടാതെ പിടയുന്നത് കണ്ട മറ്റ് വിദ്യാര്‍ഥികളാണ് വിവരം അധ്യാപകരെ അറിയിച്ചത്. വികാസ് ജെയിന്‍ എന്ന കുട്ടിയാണ് മരിച്ചത്. അധ്യാപകര്‍ കുട്ടിയെ ആശുപത്രിയിലെത്തിച്ച് അടിയന്തര വൈദ്യസഹായം നല്‍കുമ്പോഴേക്കും മരണം സംഭവിച്ചു. പൊലീസ് കേസെടുത്ത് അന്വേഷണം തുടങ്ങി. ആന്ധ്രയിൽ അടുത്തിടെ ഇത്തരത്തിൽ പല സംഭവങ്ങൾ റിപ്പോര്‍ട്ട് ചെയ്തിട്ടുണ്ട്. കഴിഞ്ഞ മാസം ദോശ തൊണ്ടയില്‍ കുടുങ്ങി അന്ധ്രാ സ്വദേശി മരിച്ചിരുന്നു. 43 വയസ്സുകാരനായ വെങ്കട്ടയ്യ ആണ് മരിച്ചത്. ജൂണ്‍ മാസത്തില്‍ ചിക്കന്‍ ബിരിയാണി കഴിച്ച യുവാവ് എല്ല് തൊണ്ടയില്‍ കുടുങ്ങി മരിച്ചിരുന്നു 37കാരനായ സോനുഗോമുല ശ്രീകാന്ത് ആണ് മരിച്ചത്. സമാന സംഭവം മഹാബുബ്നഗറിലുമുണ്ടായി. ചിക്കന്‍റെ എല്ല് തൊണ്ടയില്‍ കുടുങ്ങി ജിതേന്ദ്ര എന്നയാള്‍ ഇവിടെ മരിച്ചിരുന്നു.