മുംബൈയില്‍ അന്ധേരിയില്‍ എയർ ഇന്ത്യ പൈലറ്റ് ഫ്ലാറ്റിൽ ആത്മഹത്യ ചെയ്ത നിലയില്‍ . സൃഷ്ടി തുലി (25) എന്ന യുവതിയെ ആണ് മരിച്ച നിലയില്‍ കണ്ടെത്തിയത്. സംഭവത്തിൽ ആൺസുഹൃത്തിനെ പൊലീസ് അറസ്റ്റു ചെയ്തു. ആദിത്യ പണ്ഡിറ്റാണ് (27) അറസ്റ്റിലായത്. ഇയാൾക്കെതിരെ ആത്മഹത്യാ പ്രേരണാക്കുറ്റം ചുമത്തി. 29 വരെ കസ്റ്റഡിയില്‍ വിട്ടു. ആദിത്യയുടെ മോശം പെരുമാറ്റം കാരണമാണ് സൃഷ്ടി ആത്മഹത്യ ചെയ്തതെന്ന് ബന്ധുക്കൾ ആരോപിച്ചു. ഇയാള്‍ പല തവണ സൃഷ്ടിയെ പൊതുസ്ഥലത്ത് വച്ച് അപമാനിച്ചിട്ടുണ്ടെന്നും പരാതിയുണ്ട്. വിശദമായ അന്വേഷണം നടക്കുകയാണെന്ന് പൊലീസ് പറഞ്ഞു.