ഡല്‍ഹിയില്‍ അന്തരീക്ഷ മലിനീകരണം രൂക്ഷമായതോടെ ശുദ്ധവായുവിനായി നെട്ടോട്ടത്തിലാണ് നാട്ടുകാര്‍. നന്നായൊന്ന് ശ്വസിക്കാന്‍ പലരും പല വഴി തേടുന്നു. ഇതോടെ താരമായ ഒരു ഇലക്ട്രോണിക് ഉപകരണത്തെ പരിചയപ്പെടാം.
അന്തരീക്ഷത്തിലെ പൊടിയും പുകയും രാസവസ്തുക്കളും വലിച്ചെടുത്ത് ശുദ്ധവായു പുറന്തള്ളുകയാണ് എയര്‍ പ്യൂരിഫയറുകള്‍ ചെയ്യുന്നത്. പല വലിപ്പത്തിലും വിലയിലും ലഭിക്കും. വീടുകളിലും സ്ഥാപനങ്ങളിലുമൊക്കെ എയര്‍പ്യൂരിഫയര്‍ക്ക് വന്‍ ഡിമാന്‍ഡാണ്.
പുറത്തിറങ്ങുമ്പോള്‍ ഉപയോഗിക്കാന്‍ പോര്‍ട്ടബിള്‍ എയര്‍ പ്യൂരിഫയറുകളുമുണ്ട്. ശശി തരൂര്‍ അടക്കമുള്ളവര്‍ രാജ്യതലസ്ഥാനത്തെത്തുമ്പോള്‍ ഇത്തരം എയര്‍ പ്യൂരിഫയറുകള്‍ കഴുത്തിലണിഞ്ഞ് നടക്കുന്നതും പതിവ് കാഴ്ചയാണ്.