കാന്റീലിവർ ഗ്ലാസ് ബ്രിജ് തുറന്നു; സാഹസികതയ്ക്കൊപ്പം വന്യമായ കാഴ്ചകളും; വേറിട്ട അനുഭവം
- kerala
- Published on Sep 07, 2023, 07:34 AM IST
രാജ്യത്തെ ഏറ്റവും നീളമേറിയ ക്യാന്‍റിലിവര്‍ ഗ്ലാസ് ബ്രിഡ്ജ് വാഗമണില്‍ സഞ്ചാരികള്‍ക്കായി തുറന്നു.. ടൂറിസം മന്ത്രി പിഎ മുഹമ്മദ് റിയാസാണ് പാലം ഉദ്ഘാടനം ചെയ്തത്. പാലത്തില്‍ കയറുന്ന സഞ്ചാരികള്‍ക്ക് സാഹസികതയ്ക്കൊപ്പം വന്യമായ കാഴ്ചകളും ആസ്വദിക്കാം.
പണി പൂര്‍ത്തിയാക്കി കാത്തിരിക്കുകയായിരുന്നു മന്ത്രിയെത്താന്‍.. ഒടുവില്‍ മുഹമ്മദ് റിയാസ് നേരിട്ടെത്തി, വാഗമണ്‍ അഡ്വഞ്ചര്‍ പാര്‍ക്കിലെ ചില്ലുപാലത്തില്‍ കയറി.. ഇടുക്കി ഡിറ്റിപിസിയും ഭാരത് മാത് വെഞ്ച്വേഴ്സ് പ്രൈവറ്റ് ലിമിറ്റഡിന്‍റെ കിക്കി സ്റ്റാര്‍സും ചേര്‍ന്നായിരുന്നു രാജ്യത്തെ ഏറ്റവും വലിപ്പമേറിയ ക്യാന്‍റിലിവര്‍ ഗ്ലാസ് പാലം ഒരുക്കിയത്. 120 അടി നീളമുള്ള പാലത്തില്‍ കയറാന്‍ ഒരാള്‍ക്ക് 500 രൂപയാണ് ചാര്‍ജ്. ഗ്രൂപ്പായി വരുന്നവര്‍ക്ക് ഇളവുണ്ട്. ഏഴ് മിനിറ്റ് പാലത്തില്‍ ചിലവഴിക്കാം. താഴെ നിന്ന് താങ്ങിനിര്‍ത്താതെ മുകളില്‍ നിന്ന് ഇരുമ്പുറോപ്പ് കൊണ്ട് ബന്ധിച്ച രൂപത്തിലുള്ള ഗ്ലാസ് ബ്രിഡ്ജ് സാഹസികത ഇഷ്ടപ്പെടുന്നവര്‍ക്ക് വലിയ അനുഭവം നല്‍കുമെന്നാണ് നിര്‍മാതാക്കള്‍ പറയുന്നത്