24 മണിക്കൂര്‍ പിന്നിട്ടു; നെയ്യാറില്‍ വീണ യുവാവിനായി തിരച്ചില്‍
- Kerala
- Published on Oct 15, 2024, 10:40 AM IST
തിരുവനന്തപുരം ഈരാറ്റിന്‍പുറത്ത് നെയ്യാറില്‍ വീണ് കാണാതായ യുവാവിനായുള്ള തിരച്ചില്‍ ഇന്നും തുടരും.തിരച്ചില്‍ ദുഷ്കരമെന്നാണ് സ്കൂബ ടീം പറയുന്നത്.
മൈലച്ചല്‍ സ്വദേശി വിഷ്ണുവിനെ ഞായറാഴ്ച വൈകിട്ടാണ് ഒഴുക്കില്‍പെട്ട് കാണാതായത് . നെയ്യാറില്‍ വീണ വിഷ്ണുവിനായി ഇന്നലെ പകല്‍ മുഴുവന്‍ ഫയര്‍ഫോഴ്സിലെ സ്കൂബാ ടീമും നാട്ടുകാരും തിരച്ചില്‍ നടത്തിയെങ്കിലും കണ്ടെത്താനായില്ല. നെയ്യാറിലെ ഏറ്റവും വലിയ അപകട മേഖല കൂടിയായ ഈരാറ്റിന്‍ പുറത്ത് സാഹസികമായ തെരച്ചിലാണ് സ്കൂബാ ടീം നടത്തിയത്
നാട്ടുകാര്‍ നല്‍കിയ സൂചനകള്‍ അനുസരിച്ച്. 3 സ്ഥലങ്ങള്‍ സ്പോട്ട് ചെയ്യ്ത് പരിശോധന നടത്തിയെങ്കിലും കുത്ത് ഒഴുക്ക് കാരണം തെരച്ചില്‍ പൂര്‍ത്തിയാക്കാന്‍ സാധിച്ചിട്ടില്ല. സ്ക്യൂബ ടീംമിലെ 8 പേരടങ്ങുന്ന സംഘം 2 സംഘങ്ങളായി തിരിഞ്ഞാണ് തെരച്ചിലിന് നേതൃത്വം നല്‍കിയത്. പാറ ഇടുക്കുകള്‍ ഏറെയുളള പ്രദേശത്ത് പാറക്കുളളില്‍ കുടുങ്ങാനുളള സാധ്യതയാണ് നാട്ടുകാര്‍ നല്‍കുന്നത്.
