സാദിഖലി ശിഹാബ് തങ്ങള്‍ക്കെതിരെ ഒന്നും പറഞ്ഞിട്ടില്ല; നിലപാട് മയപ്പെടുത്തി ഉമര്‍ ഫൈസി മുക്കം

പാണക്കാട് തങ്ങള്‍ക്കെതിരായ നിലപാട് മയപ്പെടുത്തി ഉമര്‍ ഫൈസി മുക്കം. പാണക്കാട് സാദിഖലി ശിഹാബ് തങ്ങള്‍ക്കെതിരെ താന്‍ ഒന്നും പറഞ്ഞിട്ടില്ലെന്ന് സമസ്ത സെക്രട്ടറി ഉമര്‍ ഫൈസി മുക്കം മനോരമ ന്യൂസിനോട് പറ‍ഞ്ഞു. പ്രസംഗിച്ചത് ചിലര്‍ വളച്ചൊടിച്ചതാണ്.  ജ്ഞാനമില്ലാത്തവര്‍ ഖാസിമാരാകരുത് എന്ന നിലപാടില്‍ മാറ്റമില്ല. ഉദ്ദേശിച്ചത് പാണക്കാട് തങ്ങളെയാണെന്ന് ചിലര്‍ വ്യാഖ്യാനിച്ചതാണെന്നും തങ്ങളെയും പാണക്കാട് കുടുംബത്തെയും ബഹുമാനിക്കുന്ന ആളാണ് താനെന്നും ഉമര്‍ ഫൈസി മുക്കം കോഴിക്കോട് മുക്കത്ത് പറഞ്ഞു. തന്‍റെ പരാമര്‍ശം സ്പര്‍ദ്ദ വളര്‍ത്തുന്നതാണെന്ന പി.കെ. കുഞ്ഞാലിക്കുട്ടിയുടെ പ്രതികരണം ഗൗരവമായി എടുക്കുന്നില്ലെന്നും ഉമര്‍ ഫൈസി മുക്കം വ്യക്തമാക്കി. വിഡിയോ റിപ്പോര്‍ട്ട് കാണാം.