മീന്‍ പിടിക്കാനെത്തി; പള്ളിക്കലാറില്‍ വള്ളം മറിഞ്ഞു; 2 യുവാക്കള്‍ മരിച്ചു

കൊല്ലം കരുനാഗപ്പള്ളി പള്ളിക്കലാറില്‍ വള്ളം മറിഞ്ഞ് രണ്ട് യുവാക്കള്‍ മരിച്ചു. മരിച്ചത് കല്ലേലിഭാഗം സ്വദേശികളായ ശ്രീരാഗ്(24), അജിത്(23) എന്നിവരാണ് മരിച്ചത്. ഉച്ചയ്ക്ക് ശേഷം മീന്‍ പിടിക്കാനായിയാണ് 4 യുവാക്കള്‍ പള്ളിക്കലാറില്‍ എത്തിയത്. ഇതിനിടെയാണ് ഒഴുക്കില്‍പ്പെട്ട്  വള്ളം മറിഞ്ഞത്.  2 പേ‍ര്‍ നീന്തി രക്ഷപ്പെട്ടു. കരുനാഗപ്പള്ളിയില്‍ നിന്ന് അഗ്നിശമന സേനയുടെ സ്കൂബ ടീം എത്തിയാണ് 2 പേരെ കണ്ടെത്തിയത്. ഇവരെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.