മലപ്പുറം തലപ്പാറ ദേശീയപാതയില്‍ ബസ് മറിഞ്ഞ് 25 പേര്‍ക്ക് പരുക്ക്. തൊട്ടില്‍പാലത്തുനിന്ന് കൊച്ചിയിലേക്ക് പോയ ബസാണ് അപകടത്തില്‍പെട്ടത്. മൂന്നുപേരെ കോഴിക്കോട് മെഡി. കോളജ് ആശുപത്രിയിലേക്ക് മാറ്റി. പരുക്കേറ്റ ആരുടെയും ആരോഗ്യനില ഗുരുതരമല്ല. തലകീഴായി കിടന്ന ബസിൽ നിന്ന് ഏറെ ശ്രമകരമായാണ് ആളുകളെ പുറത്തെത്തിച്ചത്. ദേശീയപാത നിര്‍മാണം നടക്കുന്ന സ്ഥലത്താണ് അപകടമുണ്ടായത്. നാട്ടുകാരും മറ്റു വാഹനങ്ങളിൽ സ്ഥലത്തെത്തിയവരും ചേർന്നാണ് രക്ഷാപ്രവർത്തനം നടത്തിയത്.