തിരുവനന്തപുരത്ത് ഒാറഞ്ച് അലര്‍ട്ട്; എട്ടു ജില്ലകളില്‍ യെലോ അലര്‍ട്ട്

മഴ മുന്നറിയിപ്പില്‍ മാറ്റം . തിരുവനന്തപുരത്ത് ഒാറഞ്ച് അലര്‍ട്ട്. എട്ടു ജില്ലകളില്‍ യെലോ അലര്‍ട്ട്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, കോഴിക്കോട്, വയനാട് , കണ്ണൂര്‍ ജില്ലകളിലാണ് യെലോ അലര്‍ട്ട്. ഇടിമിന്നലിനും മണിക്കൂറില്‍ 40 കിലോ മീറ്റര്‍ വരെ വേഗതയുള്ള കാറ്റിനും ഇടയുണ്ട്.

തെക്കന്‍ജില്ലകളിലും  മധ്യകേരളത്തിലും ശക്തമായ മഴ ലഭിച്ചു. മലയോരമേഖലയിലാണ് ഇടിമിന്നലോടു കൂടിയ അതിശക്തമായ മഴ ലഭിച്ചത്. തിരുവനന്തപുരം ജില്ലയില്‍ മിന്നലേറ്റ് ഒരാള്‍ മരിച്ചു.  വിദ്യാര്‍ഥിയായ മിഥുനാണ് മരിച്ചത്. നെടുമങ്ങാട് തിരിച്ചിട്ടപാറയില്‍ വിനോദ സഞ്ചാരത്തിന് സുഹൃത്തുക്കളോടൊപ്പം എത്തിയപ്പോഴാണ് മിന്നലേറ്റത്.