സിബിഎസ്​സി സംസ്ഥാന സ്കൂള്‍ കലോത്സവം; മികച്ച പ്രകടനവുമായി കുരുന്നുകള്‍

മികവുറ്റ പ്രകടനങ്ങളുമായി മല്‍സരിച്ച് മുന്നേറി കലാപ്രതിഭകള്‍. പാലക്കാട് വാളയാര്‍ അഹല്യ ക്യാംപസില്‍ തുടരുന്ന സി.ബി.എസ്.ഇ സംസ്ഥാന സ്കൂള്‍ കലോല്‍സവത്തില്‍ മികവറിയിച്ച് നിരവധി കുരുന്നുകളാണ് താളലയങ്ങള്‍ തീര്‍ക്കുന്നത്. പതിനാല് ജില്ലകളില്‍ നിന്നായി എണ്ണായിരത്തിലധികം കുട്ടികളാണ് പങ്കെടുക്കുന്നത്. 

വ്യക്തിഗത ഇനങ്ങളിലും, ഗ്രൂപ്പ് മല്‍സരങ്ങളിലും ഒന്നിനൊന്ന് മികച്ച പ്രകടനം. വ്യക്തിഗത ഇനങ്ങളില്‍ പുതിയ വിഷയങ്ങള്‍ തെരഞ്ഞെടുക്കുന്നതിലും, കൂട്ടായ്മ തെളിയേണ്ട മല്‍സരങ്ങളില്‍ മെയ് വഴക്കവും, താളബോധവുമെല്ലാം ഒന്നിനൊന്ന് മികവറ്റുതെന്ന് വിധികര്‍ത്താക്കളുടെയും വിലയിരുത്തല്‍. 

അഹല്യ ക്യാംപസിലെ മുപ്പത്തി അഞ്ച് വേദികളിലായി പുരോഗമിക്കുന്ന കലോല്‍സവത്തില്‍ വിവിധ സ്കൂളുകളില്‍ നിന്നായി എണ്ണായിരത്തിലധികം പ്രതിഭകളാണ് മാറ്റുരയ്ക്കുന്നത്. നൂറ്റി നാല്‍പ്പത്തി ഒന്‍പത് മല്‍സര ഇനങ്ങളില്‍ പകുതിയിലധികം പൂര്‍ത്തിയാക്കിയിട്ടുണ്ട്. പ്രതിഭകളുടെ പങ്കാളിത്തം കൊണ്ടും സംഘാടന മികവ് കൊണ്ടും മികച്ച മുന്നേറ്റമാണ് കലോല്‍സവത്തില്‍ പ്രകടമാകുന്നത്.