ചേര്‍ത്തലയില്‍ കെഎസ്ആര്‍ടിസി ബസ് ബൈക്കിലിടിച്ചു; രണ്ട് യുവാക്കള്‍ മരിച്ചു

ആലപ്പുഴ ചേര്‍ത്തലയില്‍ KSRTCബസ് ബൈക്കിലിടിച്ച് രണ്ട് യുവാക്കള്‍ മരിച്ചു.  ചേര്‍ത്തല നെടുമ്പ്രക്കാട് സ്വദേശികളായ നവീന്‍, ശ്രീഹരി എന്നിവരാണ് മരിച്ചത്.   എക്സ്റേ കവലയ്ക്ക് സമീപം പുലര്‍ച്ചെ ഒരുമണിക്കാണ് അപകടമുണ്ടായത്. 

മലപ്പുറത്തേക്ക് പോവുകയായിരുന്ന ബസ് ആണ് ബൈക്കിലിടിച്ചു കയറിയത്. അപകടത്തില്‍പ്പെട്ട്  റോഡില്‍ കിടന്ന യുവാക്കളെ ആരും കണ്ടിരുന്നില്ലെന്നും അപകടം സംഭവിച്ച് കുറച്ചുകഴിഞ്ഞാണ് ആശുപത്രിയിലെത്തിച്ചതെന്നും റിപ്പോര്‍ട്ടുണ്ട്.