കാസര്‍കോട്ട് കൊളത്തൂരില്‍ സ്ഥാപിച്ച കൂട്ടില്‍ വീണ്ടും പുലി കുടുങ്ങി

കാസർകോട് കൊളത്തൂരിൽ പുലി കൂട്ടിൽ കുടുങ്ങി. കൊളത്തൂരിലെ ജനാർദ്ദനന്റെ തോട്ടത്തിൽ സ്ഥാപിച്ച കൂട്ടിലാണ് പുലി കുടുങ്ങിയത്. ആൺ പുലിയാണെന്നാണ് പ്രാഥമിക നിഗമനം. വനം വകുപ്പ് ഉദ്യോഗസ്ഥർ എത്തി പുലിയെ പള്ളത്തിങ്കാലിലെ വനം വകുപ്പ് ഓഫീസിലേക്ക് മാറ്റി. കഴിഞ്ഞ മാസവും ഈ ഭാഗത്ത്‌ സ്ഥാപിച്ച കൂട്ടിൽ പെൺപുലി കുടുങ്ങിയിരുന്നു. വളർത്തുമൃഗങ്ങൾക്ക് നേരെ പുലിയുടെ ആക്രമണം തുടർച്ചയായതോടെയാണ് പല സ്ഥലങ്ങളിലായി കൂടുകൾ സ്ഥാപിച്ചത്.