ഇരുപത്തിയേഴാം രാവിന്‍റെ പുണ്യം കാത്ത് വിശ്വാസികള്‍; പള്ളികളും വീടുകളും രാത്രി മുഴുവന്‍ പ്രാര്‍ഥനകളാല്‍ നിറയും
- Kerala
- Published on Mar 27, 2025, 12:16 PM IST
റമസാനിലെ ഏറ്റവും പുണ്യം നിറഞ്ഞതെന്ന് കരുതുന്ന ഇരുപത്തിയേഴാം രാവിനെ വരവേല്‍ക്കാനുള്ള ഒരുക്കത്തിലാണ് മുസ്ലീം വിശ്വാസികള്‍. ഇന്ന് രാത്രി മുഴുവന്‍ നീളുന്ന പ്രാര്‍ഥനയ്ക്കായി പള്ളികളും വീടുകളും ഒരുങ്ങിക്കഴിഞ്ഞു.
ആയിരം മാസങ്ങളേക്കാള്‍ പുണ്യമുള്ള രാത്രി..അതാണ് ഇരുപത്തിയേഴാം രാവ്. ഈ രാത്രി മാലാഖമാര്‍ ഭൂമിയിലേക്ക് ഇറങ്ങിവരുമെന്നാണ് വിശ്വാസം. മനുഷ്യന്റ വിധി നിര്‍ണയരാവ് എന്നര്‍ഥത്തിലുള്ള ലൈലത്തുല്‍ ഖദ്ര്‍ എന്നും ഈ ദിവസം അറിയപ്പെടുന്നു. വിശ്വാസികള്‍ക്കാകട്ടെ ജീവിതത്തിലെ വീഴ്ചകള്‍ എണ്ണിപ്പറഞ്ഞ് പാപമോചനം നേടാനുള്ള അവസരം.
പള്ളികളും വീടുകളും രാത്രി മുഴുവന്‍ പ്രാര്‍ഥനകളാല്‍ നിറയും .നോമ്പുതുറയും നമസ്കാരവും കഴിഞ്ഞും വിശ്വാസികള്‍ പളളികളില്‍ തന്നെ തുടരും. ചിലയിടങ്ങളില്‍ പ്രാര്‍ഥന സംഗമങ്ങളും ഒരുക്കിയിട്ടുണ്ട്. കബര്‍സന്ദര്‍ശനവും സക്കാത്ത് വിതരണവും ഈ ദിവത്തെ പ്രത്യേകതയാണ്. ഇരുപത്തിയേഴാം രാവ് വിടപറയുന്നതോടെ വിശ്വാസികള്‍ പെരുന്നാളിനെ വല്‍വേല്‍ക്കാനുള്ള ഒരുക്കത്തിലേക്ക് കടക്കും .
