‘ബിജെപിയെ സഹായിച്ച വിഭാഗങ്ങള് ചെയ്തത് ശരിയായോ എന്ന് ചിന്തിക്കണം’
‘നിലപാടുമാറ്റം അവസരവാദത്തിന്റെ ഭാഗം, കൂടുതല് പറയുന്നില്ല’
‘സഹോദരങ്ങളെ ആക്രമിച്ചവര്ക്ക് പിന്തുണ കൊടുത്തത് ശരിയായോ എന്നാലോചിക്കണം’
തിരഞ്ഞെടുപ്പിലെ നിലപാടില് ക്രൈസ്തവസഭയെ പരോക്ഷമായി വിമര്ശിച്ച് മുഖ്യമന്ത്രി പിണറായി വിജയന്. സഹോദരങ്ങളെ ആക്രമിച്ചവര്ക്ക് പിന്തുണകൊടുത്തത് ശരിയോ എന്ന് അവര് തന്നെ ആലോചിക്കണം. ബിജെപിക്ക് കേരളത്തില് ഒരു സീറ്റ് നേടിയത് ഗൗരവപൂര്വം പരിശോധിക്കേണ്ടതാണ്. . ചില പ്രത്യേക വിഭാഗങ്ങളെ സ്വാധീനിക്കാന് ബിജെപി ശ്രമിച്ചു. നേതൃനിരയിലുള്ളവരുമായി ധാരണയുണ്ടാക്കി. ആ വിഭാഗങ്ങളുടെ നിലപാട് മാറ്റം അവസരവാദപരമാണ്. കൂടുതലായി ഒന്നും പറയാത്തത് വിവരങ്ങള് ഇല്ലാത്തതിനാലല്ല. അത് ഭംഗിയാവില്ല എന്നതിനാലാണ് . മാത്രമല്ല അത്തരക്കാരോട് ശത്രുതാമനോഭാവവുമില്ലെന്നും മുഖ്യമന്ത്രി കോഴിക്കോട് പറഞ്ഞു, വിഡിയോ റിപ്പോര്ട്ട് കാണാം.