ഫോട്ടോ വ്യാജമല്ല; ശോഭ സുരേന്ദ്രന്‍റെ ആരോപണം തള്ളി തിരൂര്‍ സതീശന്‍

തന്‍റെ കുടുംബത്തോടൊപ്പമുള്ള ഫോട്ടോ വ്യാജമെന്ന ശോഭ സുരേന്ദ്രന്‍റെ ആരോപണം തള്ളി തിരൂര്‍ സതീശന്‍. തന്‍റെ വീട്ടില്‍വച്ചാണ് ശോഭ സുരേന്ദ്രനൊപ്പമുള്ള ഫോട്ടോയെടുത്തത്. ആറുമാസം മുന്‍പാണ് ശോഭ സുരേന്ദ്രന്‍ വീട്ടില്‍ വന്നത്. ചിത്രത്തില്‍ കാണുന്ന അതേഭാഗത്തിരുന്നാണ് തിരൂര്‍ സതീശന്‍ വാര്‍ത്തസമ്മേളനം നടത്തിയത്. സതീശന്‍റെ അമ്മയോടൊപ്പം ശോഭ നില്‍ക്കുന്ന ചിത്രവും പുറത്തുവിട്ടു. Also Read: സതീശന്‍ കൊണ്ടുവന്നത് പഴയ ഫോട്ടോ; വെളിപ്പെടുത്തല്‍ നിഷേധിച്ച് ശോഭാ സുരേന്ദ്രന്‍...

വീട്ടില്‍ എത്തി എന്നതിനു തെളിവായി തിരൂര്‍ സതീശന്‍ പുറത്തുവിട്ട ഫോട്ടോ  ശോഭ സുരേന്ദ്രന്‍ തള്ളി. തന്‍റെ സഹോദരിയുടെ വീട്ടില്‍ വച്ചാണ് ഫോട്ടോ എടുത്തത്. അസുഖബാധിതയായ തന്‍റെ അമ്മയെ കാണാന്‍ എത്തിയപ്പോഴുള്ള ഫോട്ടോയാണ് അത്. സതീശന്‍ കൊണ്ടുവന്ന ഫോട്ടോയ്ക്ക് ഒന്നര വര്‍ഷത്തെ പഴക്കമെന്നും ശോഭാ സുരേന്ദ്രന്‍ പറഞ്ഞു.