കെ.എം.ഹരിദാസ് വോട്ടുചെയ്യാത്തത് പാര്‍ട്ടി തീരുമാനപ്രകാരം: സി.കൃഷ്ണകുമാര്‍

ബിജെപി പാലക്കാട് ജില്ലാ പ്രസിഡന്‍റ് കെ.എം.ഹരിദാസ് വോട്ടുചെയ്യാത്തത് പാര്‍ട്ടി തീരുമാനപ്രകാരമെന്ന് പാലക്കാട് എന്‍ഡിഎ സ്ഥാനാര്‍ഥി സി.കൃഷ്ണകുമാര്‍. അനാവശ്യവിവാദം ഒഴിവാക്കാനാണ് ബിജെപി ജില്ലാ പ്രസിഡന്‍റ് വോട്ടുചെയ്യാന്‍ എത്താത്തത് . ഹരിദാസിനെ തടഞ്ഞ് ബൂത്തില്‍ അനാവശ്യ ഭീതിപരത്താനായിരുന്നു ശ്രമം. ഒരു വോട്ടു കുറഞ്ഞാലും വോട്ടര്‍മാര്‍ക്കിടയില്‍ ഭീതി ഒഴിവാക്കാന്‍ തീരുമാനിച്ചു. 

സംഘപരിവാര്‍ പ്രവര്‍ത്തകന്‍ ആര്‍എസ്എസ്സുകാരനായിരിക്കും. ബിജെപി വിട്ടയാള്‍ക്ക് ആര്‍എസ്എസ്സില്‍ മാത്രമായി തുടരാനാകില്ല. സന്ദീപ് വാരിയര്‍ ആര്‍എസ്എസിലുണ്ടോ എന്ന് അദ്ദേഹം വ്യക്തമാക്കട്ടെയെന്നും കൃഷ്ണകുമാര്‍ മനോരമ ന്യൂസിനോടു പറഞ്ഞു.